A ACES Sarria organiza a súa campaña polo Día do Pai entre o 10 e o 19 de marzo
A Asociación de Comerciantes e Empresarios - Centro Comercial Urbano de Sarria (ACES) organiza a súa campaña do Día do Pai entre o 10 e o 19 de marzo, co obxectivo de promover o comercio local na vila.
A campaña, que coincide coa celebración desta efeméride o 19 de marzo, ten como lema 'Papá dácho todo, dálle ti o mellor, merca produto local'.
A iniciativa anima aos veciños e veciñas de Sarria a adquirir os seus agasallos para os seus pais nos establecementos locais. Ao facelo, os participantes poderán optar a un concurso que premia con vales de 200 euros, para gastar nos máis de 25 comercios adheridos á campaña.
Con esta acción, ACES busca fomentar o consumo no comercio local e incentivar as compras na súa área comercial, ao tempo que celebra o Día do Pai de maneira especial. A asociación convida a toda a comunidade a participar e apoiar aos comercios da zona neste día tan significativo.