Educación

Olga conversou cos nenos e nenas durante unha entrevista e animounos a seguir os seus soños con paixón e esforzo

O alumnado do CEIP Eduardo Cela Vila tivo como convidada a alcaldesa de Triacastela, Olga, que participou nun novo programa de MundoTria Radio.

Durante a xornada, Olga foi a protagonista dunha entrevista na que compartiu tempo e conversación cos nenos e nenas do centro.

O programa poderase escoitar e incluirá as seccións «Que pasa no cole?» e «A bolsa viaxeira». O alumnado agradeceu a dedicación da alcaldesa e os seus consellos sobre como a ilusión, a paixón e o traballo permiten cumprir os soños.