A Apalpadora ofrecerá este Nadal un total de 40 espectáculos en decembro
A Vicepresidencia da Deputación de Lugo promove un ano máis a presenza de tradición propias nas datas de Nadal co espectáculo A Apalpadora, que se representará en 40 localidades ao longo deste mes de decembro.
O alumnado dos colexios de Cervo e Rábade acolleron as primeiras representacións deste espectáculo de narración oral e música en directo no que Antía Vázquez – a filla do Apalpador – e o musico André Espiñeira contan ás crianzas a historia deste personaxe do Nadal, transmitida a través da tradición oral, especialmente na zona do Courel e do oriente ourensán, e revitalizada na última década grazas ao impulso de asociacións e colectivos culturais de todo o país.
A deputada Iria Castro explicou que “se trata dunha programación que poñemos en marcha por sexto ano consecutivo desde a Vicepresidencia da Deputación, tratando de dar resposta ao interese cada vez maior das asociacións de nais e pais e das asociacións culturais, especialmente de concellos e parroquias rurais que buscan ofrecer propostas de ocio para estas datas. O espectáculo representarase en 40 centros educativos e espazos culturais de todas as comarcas durante este mes, achegando a nenos e nenas esta figura do Nadal galego e a súa historia”
O espectáculo
A filla do coñecido Apalpador toma o relevo do seu pai e baixa das montañas para encontrarse coas crianzas da provincia nun formato de contacontos musicado e interactivo onde se mesturan cantigas, lendas e dinámicas.
Estará acompañada polo seu irmán músico André, para mergullarse con cancións da súa misteriosa historia. Ademais, levará froitos que recolle durante todo o ano e agasallos fabricados por ela mesma para entregar aos nenos e nenas neste Nadal.
Calendario
Venres 5 de decembro
CEIP Plurilingue Virxe da Luz de Portomarín. 9.15 horas
CEIP Ricardo Gasset do Incio. 11.15 horas
CEIP Rosalía de Castro de Bóveda. 12.30 horas
Martes 9 de decembro
Teatro Pastor Díaz de Viveiro. 10.00 horas
CEIP Península da Paz de San Cibrao, en Cervo. 11.30 horas
CEIP Gregorio Sanz de Ribadeo. 13.15 horas
Mércores 10 de decembro
CEIP da Fonsagrada. 9.45 horas
CPI de Cervantes. 12.00 horas
Xoves 11 de decembro
Galiña Azul de Chantada. 11.00 horas
Venres 12 de decembro
CEIP Virxe do Carme de Sober. 9.45 horas
CEIP Plurilingue Monte Baliño de Pantón. 11.30 horas
Luns 15 de decembro
CEIP Otero Pedrayo de Rábade. 9.00 horas
CEIP Plurilingue Concepción López Rey de Baleira. 10.45 horas
CPI López Suárez de Friol. 12.30 horas
Martes 16 de decembro
CEIP de Oural en Sarria. 9.45 horas
IES A Pinguela de Monforte.13.00 horas
Mércores 17 de decembro
CEIP Illa Verde de Lugo.9.30 horas
CEE Santa María de Lugo.10.45 horas
CEIP Albeiros en Lugo. 12.30 horas
Escola Unitaria de San Xoán do Alto. Lugo. 14.00 horas
Xoves 18 de decembro
CEIP Rosalía de Castro de Mosteiro, en Pol. 9:00 horas
CEIP Terra Chá, de Román, en Vilalba. 11.00 horas
CEIP Quiroga Ballesteros de Lugo. 12.45 horas.
CEIP As Gándaras de Lugo. 14.00 horas.
Venres 19 de decembro
Antiga Escola de Barbaín, en Lugo. 9.00 horas
CEIP Monseivane de Lanzós, en Vilalba. 12.00 horas
Casa da Cultura do Valadouro. 14.45 horas
CEIP Nº1 de Foz. 17.30 horas
As Negradas. O Vicedo. 19.30 horas
Sábado 20 de decembro
Campo da Feira de Parga, en Guitiriz. 16.30 horas
Local Social de Pino, en Cospeito. 18.30 horas
Local Social da Asociación O Cruceiro de Mosteiro, en Outeiro de Rei. 20.00 horas
Domingo 21 de decembro
CEIP Eduardo Cela Vila. Triacastela. 16.00 horas
Antiga Biblioteca de Samos. 17.30 horas
Asociación de Veciños de Xudán, na Pontenova. 20.00 horas
Luns 22 de decembro
Centro Sociocultural de Monterroso. 18.00 horas
Cabanóns do Convento, Meira. 20.00 horas
Martes 23 de decembro
Círculo do Saviñao. 18.00 horas
Domingo 28 de decembro
Casa Escola da Liga Santallesa. Santaballa. Vilalba. 16.00 horas
Casa da Culturra de Cospeito. 18:00 horas.