A Asociación Crearte promove unha nova edición de 'Xogando coa Primavera'
A Asociación Crearte promove, o vindeiro domingo, 18 de maio, unha nova edición de 'Xogando coa Primavera', unha actividade pensada para o desfrute de toda a familia, independentemente da idade.
O evento terá lugar nas instalacións da Palleira, situadas na rúa Manán número 10, en Sarria, en horario de 11:00 a 13:00 horas.
Trátase dun encontro interxeracional no que se promoverán dinámicas lúdicas e creativas, cun enfoque participativo e integrador que busca fomentar o vínculo familiar a través do xogo.
As inscricións están xa abertas, cun prezo de 15 euros para os non socios, mentres que os socios poderán beneficiarse dun desconto do 50%. Ademais, aplícanse descontos adicionais no caso de irmáns, tanto para socios como para non socios.
Para obter máis información ou formalizar a inscrición, a organización dispón do correo electrónico creartecendo@gmail.com.