A Asociación Cultural Crearte de Sarria enche a semana de cultura, música e obradoiros
A vindeira semana, a Asociación Cultural Crearte de Sarria ofrecerá un amplo programa de actividades para todos os públicos.
Entre as propostas destaca a proxección do Festival de Cinema Portugués Vendaval, a apertura do Ribela Love Nature con conversas e música, e o primeiro obradoiro de cerámica impartido por Verónica Quintela.
Este taller desenvolverase o 23 de agosto, na Palleira, en horario de 10:30 a 13:00 horas. Está dirixido a persoas de todas as idades, aínda que no caso das crianzas deberán asistir acompañadas dun adulto.
O prezo para participar será de 15 euros para socias e 25 euros para non socias. A organización anima á veciñanza e visitantes a sumarse a esta semana cultural, pensada para gozar da creatividade, a natureza e o encontro comunitario.