A Asociación Cultural Peleriños abre a súa matrícula para o curso 2024-2025
A Asociación Cultural Peleriños abre a súa matrícula para que todos os pequenos e pequenas de Sarria poidan apuntarse ás clases que se imparten no vindeiro curso 2024-2025.
Así, din que crean grupos novos en todas as disciplinas e con aulas para todas as idades e niveis desde os 4 anos e que arranca o curso no mes de outubro.
Concretamente, as aulas infantís serán os venres, no caso de clases de gaita percusión desenvolveranse ás 17.00 horas, mentres que as clases de baile terán lugar a partir das 19.00 horas.
Pola súa parte, as clases para adultos serán os martes, con canto e pandeireta ás 18.30 horas e baile ás 19.30 horas; os mércores, con costura ‘trad’; os venres, con baile ás 20.00 horas; e os sábados, con gaita e percusión ás 18.30 horas.