A Asociación Cultural Val de Láncara impulsa un taller de cerámica de Nadal

A iniciativa celebrarase o 30 de novembro na antiga escola do municipio

A Asociación Cultural Val de Láncara impulsará un obradoiro de cerámica de Nadal que terá lugar o domingo 30 de novembro de 2025, nas instalacións da antiga escola de Láncara, en horario de 10:30 a 13:00 horas.

A actividade está orientada a fomentar a creatividade e a introducir ao público nas técnicas básicas de traballo en cerámica con temática festiva.

As inscricións xa están abertas a través do teléfono 691175650. O prezo para as persoas socias é de 5 euros, mentres que quen non pertenza á entidade deberá abonar 10 euros.

Desde a asociación subliñan que esta proposta contribúe a dinamizar a vida cultural do municipio e a crear espazos de convivencia e aprendizaxe nun ambiente próximo e participativo.