A Asociación Cultural Val de Láncara organiza o segundo Mercadiño navideño en Carracedo

Durante todo o día haberá mercadiño, pero tamén outras actividades, como música e baile do grupo Val de Láncara e un contacontos

A Asociación Cultural Val de Láncara organiza o segundo Mercadiño navideño, que terá lugar o vindeiro 28 de decembro na antiga casa do concello de Carracedo.

Así, a partir das 10.00 horas e durante todo o día haberá mercadiño, pero tamén outras actividades, como música e baile do grupo Val de Láncara ás 12.30 horas, un contacontos ás 17.00 horas para os máis pequenos e chocolate con churros ás 18.30 horas.

Concretamente, o contacontos será da compañía Lalá Teatro e baixo o nome de Nadal en Prácticas, que consiste nun conto moi especial que poderán desfrutar todos os nenos e nenas que se acheguen coas súas familias.