A Asociación Cultural Val de Láncara pon en marcha unha nova actividade teatral para todas as idades
A Asociación Cultural Val de Láncara vén de anunciar unha nova iniciativa dirixida a toda a veciñanza: a creación dun obradoiro de teatro que se levará a cabo na antiga escola de Láncara. A actividade arrincará en novembro e contará con dúas modalidades diferenciadas, unha para público infantil e outra para adultos.
No caso do teatro infantil, as sesións terán lugar cada xoves de 19:30 a 20:30 horas. O prezo da actividade será de 25 euros mensuais para socios da entidade e de 30 euros para os non socios.
Pola súa parte, o teatro de adultos celebrarase tamén os xoves, a partir das 20:30 horas, cun custo lixeiramente superior: 5 euros máis tanto para socios como para non socios.
As persoas interesadas en participar deberán formalizar a inscrición chamando ao número de teléfono 691 175 650.