A Asociación Cultural Val de Láncara promove un concurso de fotografía

Todas as persoas interesadas en participar poderán facelo cunha foto coa temática de 'Láncara' ata o 31 de outubro

A Asociación Cultural Val de Láncara promove un concurso de fotografía para o Calendario 2025 do municipio.

Todas as persoas interesadas en participar poderán facelo cunha foto coa temática de 'Láncara', que terán que enviar ao correo asociacionvaldelancara@gmail.com e só poderán enviar dúas fotos como máximo por participante.

As persoas que queiran mandar as súas fotos poderán facelo ata o vindeiro 31 de outubro e seleccionaranse 13 fotos, 1 para a portada do calendario e 12 para cada un dos meses do ano e será enviado dito calendario ás persoas gañadoras, co nome do autor nas fotos.