A Asociación do Camiño de Santiago de Sarria participa no XII Congreso de Asociaciones Jacobeas
![camino santiago ribadeo 1](https://sarriaxa.com/wp-content/uploads/2021/10/camino-santiago-ribadeo-1.jpg)
A Asociación de Amigos do Camiño de Santiago na Comarca de Sarria participará no XII Congreso Internacional de Asociaciones Jacobeas que se celebrará en Madrid do xoves 21 ao domingo 24 de outubro.
Así pois, no día de mañá, realizarase a recepción de congresistas, a inscrición e a entrega de documentación, así coma un cóctel de benvida para os participantes.
En canto ao venres, sábado e domingo, as xornadas estarán compostas por conferencias, mesas redondas sobre peregrinos, asociacións e acollidas, entre outras, así coma outras charlas sobre o Camiño de Santiago, as novas tecnoloxías e as novidades que existen na actualidade.
Unhas xornadas que buscan compartir coñecementos, ademais de crecer en canto a un tema común. Para máis información ou para ver o programa completo, pódese consultar a páxina web caminodesantiago.org
![asociacion amigos camiño santiago cartel](https://sarriaxa.com/wp-content/uploads/thumbs/2021/10/asociacion-amigos-camino-santiago-cartel-200x197.jpg)