A Asociación Hu-hú presentou a novela gráfica 'Carne para Cans'
A Asociación Hu-hú presentou a novela gráfica Carne para Cans nun acto que describiron como "moi especial para nós". Durante o evento, expresaron o seu agradecemento a Manuel López Poy, Kundo Krunch, Demo Editorial e El Chico López por "permitirnos coñecer a historia de Antonio Soto da man da banda deseñada e da música".
A obra, ilustrada polo arxentino Kundo Krunch e co guion do sarriao Manolo Poy, narra a historia de Antonio Soto, líder da rebelón popular da Patagonia en 1921, un episodio crucial na historia de Arxentina. A novela foi publicada por Demo Editorial.
Carne para Cans relata a vida de Antonio Soto, un mozo ferrolano que emigrou a Arxentina coa súa familia. Neste país, Soto acabou liderando a folga xeral dos traballadores das fincas agrarias na rexén de Río Gallegos, na Patagonia. A folga foi duramente reprimida polo exército, resultando en máis de mil mortos e desaparecidos.
A pesar de ser unha figura emblemática do sindicalismo arxentino, Soto permaneceu descoñecido na súa terra natal ata que o escritor Xavier Alcalá rescatou a súa historia. Grazas a esta investigación, Soto logrou finalmente ser recoñecido, e o Concello de Ferrol dedicoulle unha rúa en súa honra.