A Asociación Meigas e Trasgos de Sarria presenta o seu horario de actividades para todas as idades
A Asociación Meigas e Trasgos de Sarria deu a coñecer o seu calendario de actividades culturais e formativas para este curso, no que se combinan clases de música e baile tradicional dirixidas a todas as idades.
Os sábados pola mañá estarán dedicados ao baile infantil, dividido en catro grupos de idade: de máis de 12 anos (10:50 a 11:45), de 5 a 8 anos (11:45 a 12:30), de 2 a 4 anos (12:30 a 13:15) e de 9 a 11 anos (13:15 a 14:00). Pola tarde será a quenda dos adultos, con clases de baile de 16:00 a 17:00 e un nivel de perfeccionamento de 17:00 a 19:00.
Tamén os sábados impartiranse as clases de gaita, cun grupo de iniciación de 16:00 a 17:00 e outro de perfeccionamento de 17:00 a 18:00. Ao mesmo tempo, desenvolveranse os cursos de percusión, con sesión de iniciación de 17:00 a 18:00 e perfeccionamento de 18:00 a 19:00. Ademais, unha vez ao mes realizarase un ensaio xeral de 18:00 a 19:00.
As tardes dos luns están reservadas para a pandeireta e o canto, con tres grupos: infantil (19:00 a 19:45), iniciación (19:45 a 20:30) e perfeccionamento (20:30 a 21:30).