Axenda

Diversos grupos musicais actuarán durante esta xornada festiva de novembro co fin de que a veciñanza desfrute dunha nova edición deste evento

A Asociación Os Gorriós de Louseiro, en Sarria, organiza o San Martiño Caníbal o vindeiro sábado, 9 de novembro, no campo da festa da parroquia sarriá.

Coa colaboración da Deputación de Lugo, o Concello de Sarria, a ACDE O Buril e Moncho Moda, todo comezará coa sesión vermú da man de Mekanika Rolling Band, seguido do xantar popular.

Xa pola tarde, ás 18.00 horas, terá lugar a animación infantil con Brais das Hortas co seu ‘Consertasso na Horta’ e a partir das 20.00 horas terá lugar a verbena con Teresiña, Baixo Zero, Manu Kasoaparte, Nuit Bleue e Skanderani.