A Asociación Peleriños abre a matrícula das súas aulas en Sarria para o curso 2025/2026
A Asociación Cultural Peleriños de Sarria vén de anunciar a apertura do prazo de inscrición para as actividades do curso 2025/2026, cunha ampla programación destinada tanto a persoas adultas como a público infantil.
As aulas para adultos desenvolveranse ao longo da semana con propostas variadas: os martes haberá canto e pandeireta ás 18:30 horas e baile de iniciación ás 19:30; os mércores terá lugar o clube de costura; os venres estarán dedicados ao baile, con clases de iniciación ás 20:00 e perfeccionamento ás 21:00; e os sábados, ás 18:30, será a quenda de gaita e percusión.
Para o alumnado máis novo, as sesións concentraranse os venres. A programación inclúe música ás 16:15 e baile ás 17:30 para nenos e nenas de 4 a 6 anos, mentres que ás 16:30 terá lugar a clase de baile e ás 17:30 a de música para rapaces e rapazas de 7 anos en diante.
As persoas interesadas poden matricularse ou solicitar máis información sen compromiso a través dos teléfonos 620 37 63 29 e 693 29 92 92, así como nas redes sociais da asociación.