A Banda de Música da Comarca de Sarria e os Clarisaxos darán vida á Noite Meiga

O concerto incluirá estreas musicais con gaitas e sachos solistas baixo a dirección do mestre Montero

A Banda de Música da Comarca de Sarria e o grupo Clarisaxos serán os encargados de prender a chispa dunha das citas máis emblemáticas do verán sarriano: a Noite Meiga.

Baixo a batuta do mestre Montero, interpretarán obras que soarán por primeira vez en Sarria, estreando composicións para gaita solista e banda, así como unha obra singular para dous sachos e banda, acompañadas doutras propostas de gran orixinalidade.

As gaitas solistas estarán a cargo de Sara Coello e Adrián Balboa, mentres que os sachos solistas serán interpretados por Dani Pan e José Luis García, coñecido como Pistón.

O concerto contará coa presentación do recoñecido comunicador silledense Alberto Lázara Vieitez, que porá voz a unha noite chamada a ser inesquecible.