A Banda de Música da Comarca de Sarria ofrecerá dous concertos para dar comezo á Semana Santa
A Banda de Música da Comarca de Sarria ofrecerá dous concertos con motivo da Semana Santa na vila, na que a música terá un papel protagonista a través de dous concertos e a súa participación nun dos actos máis destacados destas datas.
O primeiro dos eventos terá lugar o 28 de marzo ás 20.30 horas na Igrexa do Rosario, onde a formación ofrecerá un concerto de música sacra baixo a dirección de Marcos Fernández Varela.
Ao día seguinte, o 29 de marzo ás 12.00 horas, a banda participará na procesión da Burrriña, acompañando o percorrido que se desenvolverá desde A Mercé ata O Rosario, nun dos actos máis representativos do Domingo de Ramos na localidade.
Esta actuación enmárcase dentro do programa relixioso e cultural da Semana Santa, achegando ao público un repertorio acorde coa tradición destas celebracións.