A banda filarmónica de Lugo chega a Triacastela o martes
![banda música lugo](https://sarriaxa.com/wp-content/uploads/2021/03/banda-musica-lugo.jpg)
Triacastela acolle este martes 17 de agosto o concerto da Banda Filarmónica de Lugo, que se celebrará a partir das 19.30 horas. A vila recibe esta actuación que traerá a música instrumental en directo para gozar dunha xornada diferente e amena.
O concerto atópase no programa O país das bandas, promovido pola Federación Galega de Bandas de Música Populares co obxectivo de servir de motor para a recuperación da actividade bandística.
Con tal fin, deseñouse un calendario de preto de cen concertos a cargo de 77 agrupacións, que percorrerán Galicia entre os meses de xullo e setembro no marco da programación cultural do Xacobeo 21-22.
Así pois, o concerto contará con todas as medidas sanitarias correspondentes para gozar dunha xornada lúdica e segura.