A Casa da Cultura acolle unha sesión formativa sobre compostaxe doméstica
O Concello de Sarria organiza unha sesión formativa sobre compostaxe doméstica ás 19.00 horas e ofrecerá información detallada sobre o proceso de compostaxe e os seus beneficios ambientais.
Destinada a todos os veciños e veciñas interesados en reciclar os seus residuos orgánicos no fogar, terá lugar na Casa da Cultura, onde ao remate, os participantes recibirán un manual de compostaxe, un composteiro e un aireador para poñer en práctica o aprendido.
Ademais, durante o ano 2025 levarase a cabo un seguimento para supervisar o proceso de compostaxe e garantir o seu correcto desenvolvemento.
Esta iniciativa conta co apoio financeiro da Consellería de Medio Ambiente e Ordenación do Territorio, así como do Plan de Recuperación, Transformación e Resiliencia do Goberno de España, financiado pola Unión Europea a través do programa NextGenerationEU.