A Escola de Música de Sarria abre o prazo de matriculación a partir do luns

Ao igual que en anos anteriores, as solicitudes presentaranse de forma presencial nas instalacións da Escola de Música de Sarria

Desde o Concello de Sarria anuncian que, a partir do día 9 de setembro, as persoas interesadas poden acudir á Escola Municipal de Música de Sarria para a matricularse no curso 2024-2025.

Ao igual que en anos anteriores, as solicitudes presentaranse de forma presencial nas instalacións da Escola de Música de Sarria, na rúa Pedro Saco, en horario de 10.00 a 14.00 horas.

Así, os alumnos da Escola con reserva de praza (matrícula de continuidade) poderán realizar a súa matrícula do 9 ao 12 de setembro; mentres que os alumnos matriculados durante todo o curso anterior á presente convocatoria en música e movemento que solicitan instrumento por primeira vez (matrícula preferente) e alumnado de nova admisión deberán facelo do 16 ao 19 de setembro.