A Furgoteca chega a Samos co seu calendario de xaneiro
A Furgoteca, a biblioteca móbil de Galicia, anuncia as súas rutas e horarios para o mes de xaneiro no Concello de Samos. Este servizo, promovido pola Xunta de Galicia, leva libros, actividades culturais e entretemento a diversas localidades, facilitando o acceso á lectura e ao coñecemento nas áreas rurais.
A Furgoteca comezará o seu percorrido o día 15 en Castroncán, de 10.50 a 11.10 horas, para logo deterarse en O Vao, fronte ao restaurante A Pontenova, entre as 11.15 e as 11.30 horas. Posteriormente, estará na Avenida Compostela de Samos de 11.40 a 12.40 horas, e continuará cara a San Martiño do Real, de 12.50 a 13.05 horas; e San Cristovo de Lóuzara, entre as 13.30 e as 13.45 horas. Finalmente, pasará por Lusío, Renche e a Capela de San Román en horario de 14.15 a 15.30 horas.
Pola súa banda, o 31 de xaneiro o servizo regresará a Samos con visitas á Casa Niño Faragulla, de 11.00 a 11.30 horas; ao CEIP de Samos, de 11.35 a 12.50 horas, e irá ata a Avenida Compostela de Samos de 13.00 a 15.30 horas.
Cunha ampla variedade de actividades que inclúen teatro, cómics, música e xogos, a Furgoteca busca fomentar o interese cultural en todas as idades.
Para máis información, os interesados poden contactar no 621 308 856 ou escribir ao correo electrónico afurgotecalugo@xunta.gal.