A Furgoteca promove unha nova actividade en Samos este venres, 13 de decembro

Desde as montañas máis profundas da nosa terra, chegará a filla do lexendario Apalpador para contar como é a vida na alta montaña e as súas lendas

O servizo de Bibliotecas Móbiles de Galicia, a Furgoteca, promove unha nova actividade, neste caso en Samos, na que a protagonista será a Apalpadora.

Desta maneira, desde as montañas máis profundas da nos aterra, chegará a filla do lexendario Apalpador para contar como é a vida na alta montaña e as súas lendas.

Ademais, o músico André acompañará a Antía Vázquez Figueiras para mergullarse con cancións na súa misteriosa historia.

A actividade, aberta a todo o público, terá lugar o venres, 13 de decembro, de 11.30 a 12.30 horas no CEIP de Samos.