A gala 'Nadal Máxico' con Roberto Lolo e o Mago Iago foi "todo un éxito"

Ambos os artistas uníronse en Sarria para ofrecer unha tarde inesquecible, cargada de sorpresas e momentos máxicos

O mago Roberto Lolo e o Mago Iago conseguiron encher a Casa da Cultura de Sarria co seu espectáculo 'Nadal Máxico' que ofreceron á veciñanza de Sarria durante este domingo.

Ambos os artistas uníronse para ofrecer unha tarde inesquecible, cargada de sorpresas e momentos máxicos no marco das festividades do Nadal, un evento único que combina entretemento, humor e maxia, pensado para todas as idades.

Roberto Lolo sostivo que a gala foi un "éxito total e estou moi feliz, xa que estivo todo cheo, ata houbo que poñer máis cadeiras para todo o público que tivemos. Estou agradecidísimo á xente de Sarria porque foi incrible, un fiestón".