A II Carreira Popular de Paradela celebrarase o vindeiro 28 de outubro
![Carreira Popular Paradela 2022](https://sarriaxa.com/wp-content/uploads/2023/10/Carreira-Popular-Paradela-2022-1.jpg)
Este vindeiro 28 de outubro terá lugar a II Carreira Popular de Paradela no marco do IX Circuíto Miño Ulloa de Carreiras Populares, unha iniciativa Turístico-Deportiva consistente nun circuíto de carreiras con criterios de homoxeneidade co obxectivo de fidelizar un mesmo tipo de público e de estimular sobre todo a participación, á parte da propia competición.
A de Paradela será a segunda que se organiza, e acolle tres tipoloxías diferentes de actividades; unha andaina de 3 quilómetros que comezará ás 15.50 horas, unha carreira absoluta de 8 quilómetros que comezará ás 16.00 horas e unha de menores de 100 metros a un quilómetro, que comezará ás 17.30 horas.
Todas as persoas participantes recibirán un agasallo e haberá premios para os tres primeiros clasificados de cada categoría, incluído unha medalla conmemorativa para os menores e un premio para o primeiro corredor local.
![Carreira popular Paradela](https://sarriaxa.com/wp-content/uploads/thumbs/2023/10/Carreira-popular-Paradela-200x280.jpg)