A II edición da Carreira Popular Paradela desenvolverase o vindeiro 1 de xuño

A iniciativa encadráse no marco do X Circuíto Miño Ulla de Carreiras Populares

O vindeiro 1 de xuño desenvolverase a II Carreira Popular Paradela no marco do X Circuíto Miño Ulla de Carreiras Populares.

Nesta edición, na que as persoas interesadas poderán anotarse ata o vindeiro 30 de maio, colabora o propio Concello de Paradela, o GDR Miño Ulla, a Axencia Galega de Desenvolvemento Rural da Xunta e o Goberno de España.

A carreira comezará ás 18.00 horas coa carreira absoluta de 8 quilómetros, mentres que a andaina organizada sairá ás 18.15 horas. Finalmente, as carreiras menores comezarán ás 19.30 horas e será de 100 a 1000 metros.