A ITV agrícola estará en Sarria do 19 ao 27 deste mes
SarriaXa
A unidade móbil da ITV prestará servizo no mercado gandeiro da localidade entre os días 19 e 27 de abril. Pódese solicitar xa cita previa.
![tractor](https://sarriaxa.com/wp-content/uploads/2021/04/tractor.jpg)
5 Abr 2021
A unidade móbil da Inspección Técnica de Vehículos Agrícolas fará revisións a finais deste mes en Sarria. Será entre os días 19 e 27 de abril no mercado gandeiro.
Segundo informan desde a propia ITV, a unidade móbil estará no municipio do 19 ao 23 de abril e o servizo prestarase de 9.00 a 13.30 horas e de 15.15 a 18.00 horas, agás o 23 que o fará só de mañá. Á semana seguinte, a unidade volverá á localidade para facer máis inspeccións os días 26 e 27. O primeiro día durante toda a xornada, e o segundo só pola mañá.
As persoas interesadas en pasar a revisión aos seus vehículos agrícolas nesas datas en Sarria poden solicitar xa cita previa no teléfono 982 30 90 00 ou a través da páxina web www.sycitv.com.