A ITV estará en Sarria entre xaneiro e febreiro

A unidade móbil da ITV prestará servizo no mercado gandeiro da localidade

A unidade móbil da Inspección Técnica de Vehículos fará revisións a finais deste mes no mercado gandeiro de Sarria. Será os días 24 de xaneiro, do 27 ao 31 de xaneiro, e do 3 ao 5 de febreiro.

Segundo informan desde a propia ITV, a unidade móbil prestará servizo de 9.00 a 13.30 horas e de 15.15 a 18.00 horas, agás o día 5 de febreiro que o fará só de mañá.

As persoas interesadas en pasar a revisión aos seus vehículos agrícolas nesas datas en Sarria poden solicitar xa cita previa no teléfono 982 30 90 00 ou a través da páxina web www.sycitv.com.