A ITV móbil agrícola estará no Páramo a vindeira semana

A unidade situarase na contorna do pavillón polideportivo, onde fará as revisións desde o luns 15 ao venres 19

A unidade móbil da ITV desprazarase a vindeira semana ao Páramo, onde permanecerá desde o luns 15 ao venres 19, ambos os dous incluídos.

O servizo instalarase na contorna do pavillón polideportivo da localidade, onde se farán as revisións técnicas a vehículos agrícolas en horario de 9.00 a 13.30 horas e de 15.15 a 18.00 horas, agás o venres que terá só horario de mañá.

As persoas interesadas poden solicitar cita previa chamando ao 902 30 90 00 ou a través da web www.sycitv.com.