A IV Ruta Triacastela celebrarase os días 20 e 21 de marzo de 2026
O municipio de Triacastela acollerá os días 20 e 21 de marzo de 2026 a IV edición da Ruta Triacastela, unha cita dirixida aos amantes do motor e das rutas off-road que cada ano reúne a numerosos participantes da comarca e doutras zonas de Galicia.
O evento está organizado polo equipo Team Zennon 4x4 Becerreá, que promove esta iniciativa co obxectivo de fomentar a convivencia entre afeccionados ao motor e dar a coñecer os camiños e paraxes naturais da zona.
A ruta desenvolverase ao longo de dous días e discorrerá por diferentes concellos da comarca, entre eles Triacastela, Samos, Pedrafita do Cebreiro e O Incio, territorios caracterizados pola súa paisaxe natural e polos seus camiños forestais, ideais para este tipo de actividades.
As persoas interesadas en obter máis información ou participar poden contactar coa organización a través do correo electrónico teamzennon4x4becerrea@gmail.com.