A obra de mellora do saneamento e da Edar de Sarria suporá a expropiación de 34 terreos
As obras de mellora do saneamento e da estación depuradora de augas residuais de Sarria supón a expropiación dun total de 34 terreos. Tras intentar poñerse en contacto cos propietarios de cada un deles, a Confederación Hidrográfica do Miño-Sil (CHMS) viuse obrigada a notificar a través do Boletín Oficial do Estado (BOE) a oito dos mesmos xa que se descoñece o titular de ditos terreos.
Os propietarios terán que acudir os días 27 e 28 ao consistorio para o levantamento das actas de ocupación. Deberán levar consigo un documento de identidade, documentación bancaria e a documentación acreditativa da propiedade.
Espérase que as obras saian a licitación neste primeiro trimestre do 2022.
PROXECTO
A actuación consiste na substitución do colector da marxe esquerda do río Sarria desde a Rúa Calvo Sotelo ata a Rúa Greco e un tramo do colector xeral desde esta última ata o novo dispositivo de retención, que servirá para controlar o caudal de entrada á depuradora, executando así un total de 1.000 metros de colector. Na EDAR instalaranse novos equipos e actualizaranse os existentes para mellorar o seu funcionamento.
As obras serán cofinanciadas polo Fondo Europeo de Desenvolvemento Rexional e serán licitadas por un valor de 2.435.845,49 €. O prazo de execución estímase en 12 meses.