A parroquia paradelense de Vilaragunte celebrará a súa Entroido o 1 de marzo

Desde a Asociación de Veciños de Vilaragunte invitan a todos os veciños e visitantes a participar na celebración disfrazados

A parroquia de Vilaragunte, en Paradela, celebrará o seu tradicional Entroido o vindeiro 1 de marzo no Centro Social, a partir das 21:30 horas.

A festa contará cunha cea a base de entremés, empanada, carne asada con patacas, postre, bebida, café e gotas, todo por un prezo de 25 euros. Os nenos de entre 6 e 12 anos poderán gozar do menú por só 12 euros. As reservas para participar no evento estarán abertas ata o 26 de febreiro.

Ademais, a partir das 23:30 horas, os asistentes poderán disfrutar da actuación en directo do Dúo Crazy, que poñerá música e animación á noite.

Desde a Asociación de Veciños de Vilaragunte invitan a todos os veciños e visitantes a participar na celebración disfrazados.