A piscina exterior de Sarria abrirá o 27 de xuño cun día de portas abertas

Os carnés de acceso para o resto da tempada xa se poden xestionar na piscina climatizada, onde están dispoñibles desde estes días

A piscina exterior de Sarria abrirá as súas portas este venres 27 de xuño e permanecerá dispoñible ata o 7 de setembro, cun amplo horario de 12:00 a 21:00 horas.

A xornada inaugural será de portas abertas, polo que veciñanza e visitantes poderán acceder gratuitamente para gozar dun día de refresco e lecer ao aire libre.

Os carnés de acceso para o resto da tempada xa se poden xestionar na piscina climatizada, onde están dispoñibles desde estes días.

Deste xeito, Sarria dá comezo á súa campaña de verán convidando a todos e todas a mergullarse no ambiente estival e aproveitar ao máximo as instalacións municipais.