A ruta de enduro de Triacastela foi todo un éxito

A ruta de enduro de Triacastela foi todo un éxito debido á participación de máis de 250 persoas coas súas motos

Triacastela acolleu a primeira ruta de enduro este sábado, á que acudiron un total de 264 motos procedentes de diferentes puntos de Galicia, Madrid, Burgos, Zaragoza, Asturias e Logroño.

O pavillón de Triacastela foi o punto de saída ás 9.00 horas para as motos que percorreron Samos, O Courel, Pedrafita do Cebreiro e volveron de volta a Triacastela, onde rematou o evento cunha cea na que se entregaron os trofeos aos mellores participantes da ruta.

Esta ruta de 68 quilómetros foi organizada polo Club Team Zennon 4x4 de Becerreá.