A Sarriana disputa o partido de volta da primeira eliminatoria do play off de ascenso
A SD Sarriana prepárase para vivir un momento clave na súa historia deportiva o vindeiro domingo 25 de maio ás 17:00 horas, cando o conxunto de Terceira RFEF disputará no campo da Ribela o partido de volta da primeira eliminatoria do play off de ascenso a Segunda RFEF fronte ao Racing Villalbés.
Tras o choque de ida, o equipo sarrián confía en aproveitar o apoio da súa afección e o ambiente da casa para acadar o desexado pase á seguinte rolda da fase de ascenso.
A expectación na vila de Sarria é máxima e, como mostra do respaldo social ao equipo, os establecementos asociados á ACES-Centro Comercial Urbano uníronse á causa decorando os seus escaparates e locais con globos brancos dende o venres 23 ata o domingo.
Esta iniciativa busca tinguir de ilusión e espírito deportivo as rúas do centro urbano, convertendo a xornada do sábado nunha auténtica festa do fútbol local.