A SD Sarriana organiza o próximo 2 de maio un Campionato de Tute
A Sociedade Deportiva Sarriana organiza o vindeiro 2 de maio un Campionato de Tute que se celebrará no local Meigallo, en Sarria.
O evento promete unha xornada de competición, diversión e premios para os participantes, que poderán optar a varios agasallos relacionados co club.
Os premios para as parellas gañadoras serán: un 1º premio de 2 abonos para a tempada completa 2025/2026; o segundo consistirá en dúas camisetas do primeiro equipo; o terceiro serán dúas bufandas; e o 4º premio consistirá en dúas entradas para o play-off de ascenso.
Ademais, realizarase un sorteo dunha camiseta asinada entre os asistentes, e o custo da inscrición é de 20 euros por parella, incluíndo unha cea que se servirá ás 21:00 horas no Meigallo.
A S.D. Sarriana convida a toda a afección e amantes do tute a participar neste evento que combina deporte, tradición e ambiente festivo.