A SD Sarriana suma tres puntos no campo da Ribela, que tamén acolleu a presentación dos equipos do club
O equipo sénior A da Sociedade Deportiva Sarriana de Sarria vén de sumar tres puntos despois de gañarlle ao UD Barbadás na 10 xornada da Liga 3ª RFEF, que se desenvolveu no campo da Ribela.
Ademais do partido disputado, tamén tivo lugar a presentación dos equipos da Sociedade Deportiva Sarriana o delegado territorial da Xunta en Lugo, Javier Arias, que gabou o papel que xoga a entidade no impulso ao deporte base na comarca, aglutinando a máis de 200 deportistas.
Así, un a un foron saltando aos céspede os integrantes dos 11 equipos das categorías inferiores, a partir de prebenxamín e Arias destacou a colaboración que presta o Goberno galego aos clubs a través de axudas directas ou dos convenios coas Federacións, “co obxectivo de facilitar a práctica deportiva en todo o territorio”.