A SD Sarriana xa ten calendario de preparación da tempada
SarriaXa
A SD Sarriana xa ten organizado o calendario de preparación de tempada dos meses de agosto e de setembro desde ano.
19 Aug 2021
A SD Sarriana xa ten organizado o calendario cos partidos amistosos de preparación de tempada dos meses de agosto e de setembro. Desta maneira, competirá todas as semanas co obxectivo de chegar da mellor forma ao inicio ligueiro.
O primeiro partido disputarao este sábado 21 de agosto contra o Ourense CF no estadio municipal da Ribela. Para o fin de semana seguinte, o 28 de agosto, realizarase un torneo triangular entre o Ourense UD e a SD Chantada. Xa en setembro, o equipo enfrontarase contra o Taboada CF fóra da casa, contra o UDC Barbadas na casa e, para finalizar, contra a SD Outeiro de Rei.
Desta maneira, o equipo buscará arrancar a liga cos mellores resultados posibles para poder estar na loita polo ascenso un ano máis.
