A Sociedade La Unión acolle o ciclo de cine dos Mestre Mateo con nove propostas cinematográficas
A Sociedade La Unión de Sarria dá comezo este domingo 31 de agosto ás 19:00 horas ao ciclo de cine dos Mestre Mateo coa proxección da película '+Cuñados', dirixida por Luis Avilés.
Esta iniciativa pretende achegar ao público lucense as obras máis recentes do panorama cinematográfico galego e proporcionar unha programación variada durante varias semanas.
O ciclo continuará con novas propostas cada semana: o 7 de setembro proxectarase “Aurora”, o 13 de setembro “As Neves”, o 21 de setembro “Filmei paxaros voando” e o 28 de setembro “Honeymoon”. Xa en outubro, o público poderá ver “Prefiro condenarme” o 5, “Xustiza artificial” o 12, “Salvaxe, salvaxe” o 19, e finalmente, o 26 de outubro, presentarase unha selección de curtametraxes.
A programación busca combinar diferentes estilos e temáticas, ofrecendo unha visión ampla do cinema galego contemporáneo e fomentando a asistencia do público a estas proxeccións culturais.