A Sociedade La Unión proxecta o filme 'O corpo aberto' o vindeiro 22 de outubro
SarriaXa
O vindeiro domingo 22 de outubro a Sociedade Cultural La Unión proxectará o filme 'O corpo aberto', dirixida por Ángeles Huerta.
20 Oct 2023
O vindeiro domingo 22 de outubro a Sociedade Cultural La Unión proxectará o filme 'O corpo aberto', dirixida por Ángeles Huerta. A cita comezará ás 19.00 no local da entidade de Sarria.
A actividade forma parte do ciclo de cine dos Mestre Mateo. De feito, a produción acadou 12 galardóns na vixésimo primeira edición dos premios, entre eles o de mellor longametraxe e mellor dirección.
A trama acontece nun lugar dominado pola superstición, no que a estrana morte dun veciño da aldea libera un espírito en busca dun corpo que lle permita seguir coa súa existencia. Este feito levará ao mestre Miguel, o protagonista, a cuestionar os límites entre o mundo dos vivos e o dos mortos.
