A UNED prepara dúas actividades sobre ecofeminismo co gallo do 8M
![presentacion libro ecofeminismo uned](https://sarriaxa.com/wp-content/uploads/2023/03/presentacion-libro-ecofeminismo-uned.jpg)
Co gallo do Día Internacional da Muller, a UNED prepara dúas actividades sobre ecofeminismo. Por unha banda a presentación do libro Eu ecofeminista. Vivencias e pensamentos en diálogo transformador. A autora, Concha López Llamas, presentará o seu libro no que relata experiencias que, dende a nenez até o momento presente, permitírona recoñecerse como ecoloxista feminista primeiro, e como ecofeminista despois.
Estará acompañada pola directora do centro, Ana Belén Traseira Pena. Concha López Llamas é catedrática de Bioloxía e Xeoloxía ESO e recibiu tres premios Francisco Giner de los Ríos de Innovación Educativa, do Ministerio de Educación e Ciencia; un premio á Innovación Docente da Universidade Carlos III de Madrid e outro premio pola Elaboración de Materiais Didácticos da Comunidade de Madrid, entre outros. Será presencial e online o 6 de marzo, de 19:00 a 20:00.
Tamén haberá unha mesa redonda sobre ecofeminismo: Nery Díaz, Mª Carmen Fernández Pérez, Adela Figueroa, Ana Belén Gómez, Concha López Llamas e Nuria Zurita. Seis mulleres procedentes de diferentes ámbitos da cultura e a ciencia, participan nesta mesa coloquio sobre o ecofeminismo como alternativa á quebra do modelo actual.
Será presencial e online o 7 de marzo de 18:00 a 20:00 horas.