Sanidade

O autobús da Axencia de Doazón de Órganos e Sangue atenderá ás persoas doantes o xoves 19 de febreiro na rúa da Liberdade en horario de mañá e tarde

O autobús da Axencia de Doazón de Órganos e Sangue de Galicia (ADOS) visitará a vila de Sarria o vindeiro xoves, 19 de febreiro, coa finalidade de facilitar a doazón de sangue a todas as persoas interesadas en colaborar con este xesto solidario. A unidade móbil instalarase na rúa da Liberdade, onde permanecerá operativa ao longo de toda a xornada.

O servizo funcionará en horario de 10 a 14.00 horas pola mañá e de 16.00 a 21.00 horas pola tarde, permitindo así a participación de doantes en diferentes franxas do día.

Desde ADOS lembran a importancia da doazón regular de sangue para garantir o abastecemento nos centros sanitarios e animan á cidadanía a achegarse á unidade móbil.