A unidade móbil de doazón de sangue estará en Paradela o 13 de abril
O próximo 13 de abril, Paradela acollerá a unidade móbil da Axencia de Doazón de Órganos e Sangue (ADOS) para facilitar a doazón de sangue entre as 12.30 e as 14.00 horas. A campaña busca animar á cidadanía a participar e contribuír á dispoñibilidade de sangue nas diferentes institucións sanitarias.
Desde ADOS lembran que para doar sangue en Galicia é necesario ter entre 18 e 65 anos, pesar máis de 50 quilos e gozar de boa saúde. Tamén se recomenda non acudir en ayunas, beber líquidos antes da doazón, levar o DNI e evitar fumar ou consumir alcohol pouco antes de realizar a doazón.
A presenza da unidade móbil en Paradela pretende achegar este servizo á veciñanza, facilitando a participación sen necesidade de desprazamentos prolongados, e contribuíndo ao mantemento dos stocks de sangue necesarios para atender a pacientes en situacións de emerxencia ou tratamentos médicos.