'A viaxe do Señor López' será representada o venres no Páramo
![viaxe señor lopez](https://sarriaxa.com/wp-content/uploads/2023/08/viaxe-senor-lopez.jpg)
A Casa do Concello do Páramo acollerá o vindeiro 1 de setembro a representación teatral de ‘A viaxe do Señor López’ de Aparte, o Círculo de Teatro Profesional.
A actividade, que conta coa colaboración da área de Cultura da Deputación de Lugo, terá lugar a partir das 17.00 horas e todas as persoas interesadas en participar poderán facelo, xa que a entrada é gratuíta ata encher o recinto.
A sinopse di que o señor López é unha persoa solitaria, triste e gris. Un día calquera acontécelle unha desas cousas solitarias, tristes e grises tan características do mundo dos adultos e a partir dese momento todo cambia. Monta unha compañía de teatro. Aprende a contar chistes. Fala idiomas inventados. Viaxa nunha balsa por un mundo cheo de cores e alegría. O señor López convértese nun paxaro-inuit.
![actuacion O Paramo](https://sarriaxa.com/wp-content/uploads/thumbs/2023/08/actuacion-O-Paramo-200x277.jpeg)