Deportes

A VIII edición do torneo memorial Pedro Canoa de Sarria celebrarase os vindeiros 2, 3 e 4 de xuño organizado pola Sarriana

O equipo SD Sarriana organiza, un ano máis, a VIII edición do torneo memorial Pedro Canoa, que terá lugar os vindeiros 2, 3 e 4 de xuño, que "demostra a consolidación deste torneo como un referente na provincia", argumentan desde o club.

Así, o venres 2 de xuño, xogarase en categoría prebenxamín, o sábado en categorías benxamin e alevín e o domingo en infantil. As primeiras delas, na modalidade de fútbol 8, salvo a ultima, en infantil, que será en modalidade fútbol 11; todo isto no campo da Ribela de Sarria.

Neste evento deportivo de fútbol participarán máis de 20 clubs, máis de 70 equipos e máis de 800 nenos que chegan tanto da provincia de Lugo como de Galicia, Castela e León e incluso Portugal.