Abraham Cupeiro foi nomeado socio de honra da agrupación lucense de recreación histórica Vindicta

O acto de distinción tivo lugar no Castro de Viladonga

O Castro de Viladonga, dependente da Xunta, foi escenario do nomeamento de Abraham Cupeiro como socio de honra da agrupación lucense de recreación histórica Vindicta. A iniciativa foi promovida polo propio colectivo.

O director territorial da Consellería de Cultura, Lingua e Xuventude, Manuel Antonio Fernández, sumouse ao acto, no que lle trasladou o recoñecemento da Xunta ao artista sarriao, multiinstrumentista e luthier que destaca entre as principais figuras do panorama musical galego.