Aínda se pode participar do concurso de fotografía promovido pola Asociación Cultural Val de Láncara

Todas as persoas interesadas en participar poderán facelo cunha foto coa temática de 'Láncara' ata o 31 de outubro

A Asociación Cultural Val de Láncara promove un concurso de fotografía para o Calendario 2025 do municipio e o día límite para o envío das imaxes é hoxe, xoves 31 de outubro.

Todas as persoas interesadas en participar poderán facelo cunha foto coa temática de 'Láncara', que terán que enviar ao correo asociacionvaldelancara@gmail.com e só poderán enviar dúas fotos como máximo por participante.

As súas fotos poderán ser seleccionadas xa que haberá 13 fotos gañadoras, 1 para a portada do calendario e 12 para cada un dos meses do ano e o calendario con esas fotos será enviado ás persoas selccionadas, co nome do autor nas fotos.