Alumnos do obradoiro de emprego do Incio acondicionan a Ruta do Ferro
SarriaXa
A vintena de alumnos do obradoiro de emprego, compartido cos concellos da Pobra do Brollón e Bóveda, traballan na limpeza de camiños
22 Feb 2021
Os alumnos do obradoiro de emprego que promove o Concello do Incio, e que é compartido cos Concellos de Bóveda e A Pobra do Brollón, están a desenvolver estes días tarefas de acondicionamento de camiños rurais.
No caso do Incio, o obradoiro céntrase na conservación e mellora de sendas e camiños. Entre outras ubicacións están a traballar na Ruta do Ferro e na área recreativa de Saa.
O obradoiro de emprego conta un total de 20 alumnos e alumnas, que foron contratados na modalidade de contrato laboral para a formación e a aprendizaxe. Combinan formación teórica con formación práctica.