Amplíase a bolsa de auxiliares xerocultores do Concello de Sarria

O Concello abre un novo prazo para incrementar a lista de persoal na Residencia de maiores

O Concello de Sarria vén de anunciar a ampliación da bolsa de emprego destinada a auxiliares xerocultores mediante un proceso de concurso de méritos.

A administración local explicou que esta actualización responde á necesidade de reforzar o servizo e garantir unha resposta adecuada ás demandas da Residencia de Maiores Nosa Señora do  Carme.

As persoas interesadas poden presentar a súa solicitude ata o día 9 de decembro, prazo que permanece aberto incluíndo esa data. As bases completas do procedemento, que detallan os requisitos e criterios de valoración, están dispoñibles para a súa consulta na Sede Electrónica da propia Residencia.