Deportes

As arqueiras do Club Seurri compiten en Valladolid nunha das citas máis importantes do calendario nacional

Sarria está representada no Campionato de España de Tiro con Arco, que se celebra en Valladolid, grazas ás arqueiras Ángela e Cristina, do Club Seurri de Tiro con Arco. A cita forma parte das máis destacadas do calendario nacional, reunindo ás mellores deportistas do país.

O Concello de Sarria, a través do alcalde Claudio Garrido e do concelleiro de Deportes Félix Seijas, quere trasladarlles o seu apoio e recoñecemento polo esforzo e a dedicación demostrados durante meses de preparación.

Para o municipio é un orgullo comprobar como o deporte local segue crecendo e acadando logros de primeiro nivel, grazas ao compromiso das deportistas e á labor que desenvolve o Club Seurri de Tiro con Arco.