As persoas interesadas en apuntarse no 'Sarria Concilia' deste vindeiro curso 2023/2024 xa poden facelo
![Sarria concilia curso 2023 2024](https://sarriaxa.com/wp-content/uploads/2023/08/Sarria-concilia-curso-2023-2024-1.jpg)
O programa de conciliación 'Sarria Concilia' xa ten o prazo de solicitude aberto para o curso escolar 2023/2024 e ata o venres 25 de agosto as persoas interesadas en beneficiarse del poderán presentarse no Rexistro Xeral do Concello en horario de 9.00 a 14.00 horas, a través da sede electrónica ou ben a través do portelo único doutras administracións.
O Concilia Sarria 2023/24 desenvolverase do 11 de setembro de 2023 ao 21 de xuño de 2024 e terá como sedes os centros educativos o CEIP Frei Luis de Granada, o CEIP Antonio Fernández de Oural e a EEI Xela Arias.
Trala presentación de solicitudes de praza, o martes, 29 de agosto, publicarase a listaxe provisional de admitidos e do mércores 30 de agosto ao venres 1 de setembro terá lugar o periodo de enmendas e para presentación da documentación preceptiva que estea pendente. Xa o luns, 4 de setembro, publicarase a listaxe definitiva de admitidos e ata o 8 de setembro poderase pagar a taxa.
![Sarria concilia curso 2023 2024](https://sarriaxa.com/wp-content/uploads/thumbs/2023/08/Sarria-concilia-curso-2023-2024-200x282.jpg)